Charter Document - 05190429
| Charter Number: | 05190429 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1281 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino suo domino Edwardo Dei gratia regi Angl domino Hybn et duci Aquitt R eiusdem permissione Coventr et Lych ecclesiarum minister humilis successus semper ad vota prosperos et felices Noverit excellentia vestra quod cum Walterus de Morleg et Iohannes de Oulegreve clerici nostre dyocesis super homicidii crimine Iohannis dicti le Seriaunt de Morleg diffamati et incarcerati nobis fuissent per iustitiarios vestros ad hoc assignatos apud Notingham liberati ecclesiastico iudicio iudicandi iidem clerici de crimine sibi imposito coram commissariis nostris iuris ordine in omnibus observato canonice se purgarunt Quocirca dominationi vestre supplicamus humiliter et devote quatinus dictorum clericorum bona terras et tenementa occasione predicta per ballivos vestros capta et seysita eisdem clericis vestra dignetur restituere celsitudo In premissorum testimonium inpressio sigilli nostri presentibus est appensa Dat apud Brewod xiiii kalendas Iunii anno Domini MCCLXXX primo