Charter Document - 05190421
| Charter Number: | 05190421 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1281 |
| Date type: | Internal, A.D. |
| Resource Link(s): |
|
Charter:
Excellentissimo domino suo domino Edwardo Dei gratia regi Anglie domino Hybernie et duci Aquitannie Rogerus eiusdem permissione Coventr et Lych ecclesiarum minister successus semper ad vota prosperos ac felices Noverit excellentia vestra quod propter inbecillitatem et inpotentiam fratris Iohannes abbatis de Burthon nostre dyoecesis que non solum ex senectute eiusdem etiam egritudine non levi contrahitur necnon propter pericula que eidem monasterio tam in spiritualibus quam temporalibus per inbecillitatem et inpotentiam huiusmodi possent multipliciter imminere ipsius fratris Iohannes cessionem et cure sibi commisse resignationem in manibus nostris factam admisimus humiliter ac instantissime requisiti Quocirca regie celsitudini vestre supplicamus quatinus quod vestrum est ulterius in hac parte circa licentiam eligendi monachis prefati monasterii concedendam exequi dignemini cum favore In cuius rei testimonium inpressio sigilli nostri presentibus est appensa Datum apud Heywod idus Ianuarii anno Domini MCC octogesimo