Charter Document - 05190395
| Charter Number: | 05190395 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Excommunication |
| Date: | 1279 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino suo domino Edwardo Dei gratia regi Anglie domino Hybernie et duci Aquitannie Rogerus eiusdem permissione Coventr et Lych ecclesiarum minister successus semper ad vota prosperos ac felices Noverit excellentia vestra quod Willelmus Lombe de Derby Henricus Mascy Nicholaus le Wyne Hugo Feyrfeld de eadem Robertus de Cardole in Spondon Ricardus de Mamesfeld in Chaddesden Iohannes de Oulegreve Ricardus de Morleg Robertus de Wodecot layci nostre dyoecesis in comitatu Derb culpis suis exigentibus sententia excommunicationis meruerunt innodari in qua per quadraginta dies et amplius perseverantes adhuc incorrigibiles existunt claves ecclesie contempnendo Quocirca dominationi vestre supplicamus quatinus ipsos ad satisfaciendum Deo et ecclesie secundum regni vestri consuetudinem regia potestate dignemini cohercere In cuius rei testimonium inpressio sigilli nostri presentibus est appensa Datum apud Eccleshal v kalendas Aprilis anno Domini MCC septuagesimo nono