Charter Document - 05190392
| Charter Number: | 05190392 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1279 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino suo domino Edwardo Dei gratia regi Angl domino Hybn et duci Aquit R eiusdem permissione Coventr et Lych ecclesiarum minister successus semper ad vota prosperos ac felices Excellentie vestre notum facimus per presentes nos electionem nuper in ecclesia conventuali Salopp factam de fratre Iohanne de Drayton monacho in abbatem eiusdem loci electo ex officii nostri debito examinasse et ex quo vestrum novimus intervenisse assensum Deliberatione super hoc hab[ita] diligenti defectus quosdam quos de iure suplere potuimus de nostra supplevimus gratia speciali Ipsum in hiis que ad nos inpresentiarum pertinent expedivimus et ad celsitudinem vestram transmittimus confirmatum dominationi vestre supplicantes humiliter et devote quatinus ipsum divine pietatis intuitu quo ad ea que maiestatem contingunt regiam ulterius in hac parte expedire dignemini cum favore In cuius rei testimonium inpressio sigilli nostri presentibus est appensa Dat apud Heywod nonas Februarii anno Domini MCC septuagesimo octavo