Charter Document - 05190387
| Charter Number: | 05190387 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Excommunication |
| Date: | 1278 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino suo domino Edwardo Dei gratia illustri regi Anglie domino Hibernie et duci Aquitannie suus humilis et devotus Rogerus eiusdem miseratione Coventr et Lych ecclesiarum minister humilis successus ad vota prosperos et felices Noverit excellentia vestra quod Symon de Morcroft et Simon de Blakehul de Wyndul nostre dyoecesis meritis suis exigentibus excommunicationis sententia meruerunt innodari in qua per quadraginta dies et amplius perseverantes adhuc incorrigibiles existunt claves ecclesie contempnendo Quocirca dominationi vestre attente supplicamus quatinus prefatos Simonem de Morcroft et Simonem de Blakehul de Wyndul ad satisfaciendum Deo et ecclesie secundum regni vestri consuetudinem regia potestate dignemini cohercere In cuius rei testimonium presentes litteras sigilli nostri impressione fecimus communiri Valeat dominatio vestra per tempora longiora Datum apud La Lee pridie kalendas Octobris anno Domini MCC septuagesimo octavo