Charter Document - 05190376
| Charter Number: | 05190376 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Excommunication |
| Date: | 1277 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino suo domino Edwardo Dei gratia regi Angl domino Hybern et duci Aquit R eiusdem permissione Coventr et Lych ecclesiarum minister humilis successus semper ad vota prosperos ac felices Noverit excellentia vestra quod Robertus rector ecclesie de Stowe nostre dyocesis in comitatu Stafford meritis suis exigentibus sententia excommunicationis meruit innodari in qua per quadraginta dies et amplius perseverans adhuc incorrigibilis existit claves ecclesie contempnendo Quocirca dominationi vestre supplicamus quatinus dictum Robertum ad satisfaciendum Deo et ecclesie secundum regni vestri consuetudinem regia potestate dignemini cohercere In cuius rei testimonium sigilli nostri impressio presentibus est appensa Dat Sallowe viii kalendas Iunii anno Domini MCC septuagesimo septimo