Charter Document - 05190374
| Charter Number: | 05190374 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Excommunication |
| Date: | 1277 |
| Date type: | Internal, A.D. |
| Resource Link(s): |
|
Charter:
Excellentissimo domino suo domino Edwardo Dei gratia regi Angl domino Hybern et duci Aquit R eiusdem permissione Coventr et Lych ecclesiarum minister humilis successus semper ad vota prosperos et felices Noverit excellentia vestra quod Iohannes de Plescy rector ecclesie de Cumpton Murdack Ricardus rector ecclesie de Herdebur et Henricus de Flychamstede molendinarius nostre dyocesis in comitatu Warwyk meritis suis exigentibus excommunicationis sententia meruerunt innodari in qua per quadraginta dies et amplius perseverantes adhuc incorrigibiles existunt claves ecclesie contempnendo Quocirca dominationi vestre supplicamus quatinus dictos Iohannem Ricardum et Henricum ad satisfaciendum Deo et ecclesie secundum regni vestri consuetudinem regia potestate dignemini cohercere In cuius rei testimonium sigilli nostri impressio presentibus est appensa Dat Heywod iiii idus Aprilis anno Domini MCC septuagesimo septimo