Charter Document - 05190367
| Charter Number: | 05190367 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Excommunication |
| Date: | 1276 |
| Date type: | Internal, A.D., Feast |
| Resource Link(s): |
|
Charter:
Excellentissimo domino suo domino Edwardo Dei gratia regi Anglie domino Hybernie ac duci Aquitannie Rogerus permissione divina Coventr et Lych ecclesiarum minister humilis successus ad vota prosperos et felices Noverit excellentia vestra quod Galfridus le Moun []ce Philippus de Henewode Simon le Mouner Iohannes de Plesey rector ecclesie de Cumton Murdac nostre dioecesis comitatus Warwykye meritis suis exigentibus maioris excommunicationis sententia meruerunt innodari in qua per quadraginta dies et amplius pertinaciter perseverantes adhuc incorrigibiles existunt claves ecclesie contempnendo Quocirca dominationi vestre supplicamus quatinus eosdem contumaces ad satisfaciendum Deo et ecclesie secundum regni vestri consuetudinem regia potestate dignemini cohercere Valeat excellentia vestra per tempora diuturna Data Rollesham in vigilia sancti Luce evangeliste anno Domini MCC septuagesimo sexto