Charter Document - 05190357
| Charter Number: | 05190357 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Excommunication |
| Date: | 1275 |
| Date type: | Internal, A.D. |
| Resource Link(s): |
|
Charter:
Excellentissimo domino suo E Dei gratia regi Angl domino Hibern ac duci Aquit R eiusdem permissione Coventr et Lych ecclesiarum minister humilis successus ad vota prosperos et felices Noverit excellentia vestra quod Galfridus de Mamcestr capellanus Adam de Urmeston Adam de Cundeclive Thomas filius quondam rectoris de Laylond Willelmus frater eius Iohannes le Bolur Ricardus filius Simonis Ricardus de Wolemor Ricardus filius Galfridi de Everton Amaricus de Thorneton Rogerus de Walton clericus Willelmus de Botle capellanus Ricardus Travers et Baudewinus de Lee eiusdem diocesis meritis suis exigentibus excommunicationis sententia meruerunt innodari in qua per quadraginta dies et amplius perseverantes adhuc incorrigibiles existunt claves ecclesie contempnendo Quocirca discretioni vestre supplicamus quatinus prefatos Galfridum Adam et alios ad satisfaciendum Deo et ecclesie secundum regni vestri consuetudinem regia potestate dignemini cohercere In cuius rei testimonium sigilli nostri impressio presentibus est appensa Dat Brewod idus Septembris anno Domini MCC septuagesimo quinto