Charter Document - 05190349
| Charter Number: | 05190349 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Excommunication |
| Date: | 1275 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino suo E Dei gratia regi Angl domino Hyb ac duci Aquitann suus R eiusdem permissione Coventr et Lych ecclesiarum minister humilis salutem et successus ad vota prosperos et felices Noverit excellentia vestra quod magister Willelmus dictus Brun nostre diocesis commitatus Derb meritis suis exigentibus excommunicationis sententia meruit innodari in qua per quadraginta dies et amplius perseverans adhuc incorrigibilis existit claves ecclesie contempnendo Quocirca dominationi vestre attente supplicamus quatinus prefatum Willelmum ad satisfaciendum Deo et ecclesie secundum regni vestri consuetudinem regia potestate dignemini cohercere In cuius rei testimonium sigilli nostri impressio presentibus est appensa Dat Lych kalendas Ianuarii anno Domini MCC septuagesimo quarto