Charter Document - 05190346
| Charter Number: | 05190346 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Excommunication |
| Date: | 1274 |
| Date type: | Internal, A.D. |
| Resource Link(s): |
|
Charter:
Excellentissimo domino suo Edwardo Dei gratia regi Anglie domino Hybernie ac duci Aquitannie suus Rogerus eiusdem permissione Coventr et Lych ecclesiarum minister humilis successus ad vota prosperos iugiter et felices Noverit excellentia vestra quod Iohannes de Insula rector ecclesie de Norminton comitatus Derb meritis suis exigentibus excommunicationis sententia meruit innodari in qua per quadraginta dies et amplius perseverans adhuc incorrigibilis existit claves ecclesie contempnendo Quocirca dominationi vestre supplicamus attente quatinus predictum Iohannem ad satisfaciendum Deo et ecclesie secundum regni vestri consuetudinem regia potestate dignemini cohercere In cuius rei testimonium sigillum nostrum presentibus est appensum Valeat excellentia vestra per tempora diuturna Data Esseburn vii idus Iulii anno Domini MCCLXX quarto