Charter Document - 05190341
| Charter Number: | 05190341 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Excommunication |
| Date: | 1274 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino suo Edwardo Dei gratia illustri regi Anglie domino Hybernie ac duci Aquitannie Rogerus eiusdem miseratione Coventr et Lych ecclesiarum minister humilis successus ad vota prosperos iugiter et felices Noverit excellentia vestra quod Adam de le Hay clericus et Gilbertus le Freman de Fylongel nostre dioecesis comitatus Warwyk meritis suis exigentibus excommunicationis innodari sententia meruerunt in qua per quadraginta dies et amplius perseverantes adhuc incorrigibiles existunt claves ecclesie contempnendo Quocirca dominationem vestram attentius imploramus quatinus prefatos Adam et Gilbertum ad satisfaciendum Deo et ecclesie secundum regni vestri consuetudinem regia potestate dignemini cohercere Valeat dominatio vestra per tempora longiora Data Coventr ii kalendas Martii anno Domini MCCLXX tertio