Charter Document - 05190332
| Charter Number: | 05190332 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1278 |
| Date type: | Assigned |
| Resource Link(s): |
|
Charter:
Universis sancte matris ecclesie filiis presens scriptum visuris vel audituris Rogerus Dei gratia Conventr et Lich episcopus salutem in veri nomine salvatoris Ad universitatis vestre notitiam volumus pervenire quod cum religiosi viri prior et canonici de Dunstapl Lincolniensis diocesis ad quos ecclesie de Bradeburn veraciter ius spectaverat advocatus medietatem eiusdem ecclesie cum appendiciis ex concessione bone memorie predecessorum nostrorum Galfridi et Willelmi Conventr et Lich episcoporum in usus proprios canonice fuerint assecuti prout per instrumenta omnino sufficientia in hac parte nobis porrecta et diligentius examinata patuit evidenter nos dictorum predecesssorum vestigiis inherentes eandem medietatem dictis religiosis concedimus et pro nobis et successoribus nostris inperpetuum confirmamus Attendentes etiam religiosos supradictos in publico transitu et affluentia peregrinantium habitare et unde petitoribus satisfaciant non habere eisdem et eorum successoribus et monasterio alteram medietatem dicte ecclesie de Bradeburn cum appendiciis auctoritate pontificali pro nobis et successoribus nostris ad hospitalitatis gratiam facilius supportandam divine caritatis intuitu concedimus et confirmamus dictis religiosis misericorditer indulgentes quod dictam ecclesiam de Bradeburn cum suis capellis videlicet Tiscenthon Bracinthon Baliden Attelowe sive capellarum nomine seu ecclesiarum casualiter pro tempore censeantur et cum omnibus membris decimis proventibus ecclesiasticis obventionibus dictis ecclesie et capellis spectantibus et subiectis et singulis aliis iuribus suis et appendiciis quibuscumque consolidatam in omnibus et per omnia integre retineant et habeant in futurum pacifice in usus proprios perpetuo convertendam salvo nobis et successoribus nostris necnon et ecclesiis nostris Coventr et Lich in prefata ecclesia de Bradburn et dictis suis capellis iure pontificali et parochiali Ita quod liceat dictis priori et canonicis absque omni onere vicarii secularis per duos de suis canonicis dicte ecclesie in posterum deservire quorum unus loco vicarii nobis et successoribus pro tempore presentetur ut nobis de spiritualibus respondeat et priori et canonicis de temporalibus prout fuerit oportunum Et si processu temporis honestas religionis vel necessitas domus de Dunstap revocationem dicti admissi requisierunt cum de honestate vel necessitate nobis et successoribus nostris constiterit petita a nobis seu successoribus nostris licentia ad domum suam de Dunstap libere revertetur et alius canonicus idoneus dicte domus nobis vel nostris successoribus presentetur qui ad predictam curam sine difficultate qualibet admittetur In cuius rei testimonium presenti scripto sigillum nostrum duximus apponendum