Charter Document - 05190327
| Charter Number: | 05190327 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1286 |
| Date type: | Internal, A.D., Calendar, Episcopal |
| Resource Link(s): |
|
Charter:
In nomine Domini amen Nos Rogerus permissione divina Coventr et Lich episcopus vicariam de Syrleg taliter duximus ordinandam videlicet quod vicarius qui pro tempore fuerit habeat mansum competentem ad inhabitandum in solo ecclesiastico et prope ecclesiam de Shirl prenotatam et sex acras terre arabilis in campo de Shirl quarum due acre iacent in quodam loco campi predicti qui dicitur le Coppedethorn et due apud le Mulneflat et due apud le Overe Crowes Slade in campo supradicto Item habeat vicarius idem singulis annis duo quartario boni frumenti et bene ventati ab abbate et conventu de Derl eiusdem ecclesie de Shirl rectoribus in eorum grangia ibidem in festis nativitatis Dominice et Pasche pro equalibus portionibus percipienda et duo quartario boni siliginis et boni ventati singulis annis ab eisdem religiosis in festis annunciationis beate virginis et Nativitatis sancti Iohannis Baptiste in loco [] pro equalibus portionibus percipienda Percipiat etiam idem vicarius omnes oblationes et obventiones ad alter agium qualitercumque spectantes decimam agnorum vitulorum pullanorum porcellorum aucarum ovorum lactis lane lyni et canaby decimam etiam omnium ortorum et croftorum pede cultorum et omnia principalia que alio nomine mortualia appellantur et decimam feni totius parochie Vicarius vero non percipiat unam libram incensi nec duodecim denarios que eisdem rectoribus sunt tanquam redditus annui assignata Et ut hec nostra ordinatio perpetue memorie commendetur sigillum nostrum presentibus est appensum Dat apud Le Lee viii idus Martii anno Domini MCC octogesimo quinto et consecrationis nostri vicesimo octavo