Charter Document - 05190325
| Charter Number: | 05190325 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1268 |
| Date type: | Internal, A.D., Calendar |
| Resource Link(s): |
|
Charter:
Universis sancte matris ecclesie filiis ad quos presens scriptum pervenerit Rogerus Dei gratia Coventr et Lych episcopus salutem in Domino sempiternam Ex iniuncti nobis officii debito tenemur oppressionibus compati proximorum et ipsorum precipue egestatibus gratioso adminiculo subvenire quos a seculi pompis subductos divino novimus cultui mancipatos Sane dilectorum in Cristo filiorum abbatis et conventus monasterii de Derl religionis fervorem et approbate opinionis eorundem ac conversationis honestatem perspicacius attendentes pio etiam paterne compassionis affectu considerantes quam miserabiliter bona eiusdem monasterii in turbatione nuper habita in regno per Sathane satellites sunt distracta quod eiusdem loci canonicorum numerus consuetus cum solito hospitalitatis exercitio modernis temporibus minime valeat de residuo bonorum ipsorum congrue sustentari nos episcopali auctoritate eisdem abbati et conventui ecclesiam de Schyrl nostre dioecesis cuius sunt patroni cum omnibus ad eandem ecclesiam spectantibus concedimus et presentis scripti munimine confirmamus in proprios usus cedente vel decedente rectore qui nunc eam optinet pacifice possidendam salvo nobis et successoribus nostris in eadem iure pontificali et parochiali salva etiam vicaria decem marcarum perpetuo vicario in eadem ecclesia cum vacaverit nostra auctoritate taxanda et etiam assignanda Abbas vero et conventus vicarium instituendum in eadem ad nominationem nostram et successorum nostrorum sine difficultate qualibet presentabunt et omnia onera ordinaria debita et consueta et etiam extraordinaria agnoscent et sustinebunt In premissorum autem testimonium presens scriptum eis inde fieri fecimus et illud sigillo nostro munivimus Dat Lond octavo kalendas Novembris anno gratie MCC sexagesimo octavo