Charter Document - 05190321
| Charter Number: | 05190321 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1283 |
| Date type: | Internal, A.D., Feast |
| Resource Link(s): |
|
Charter:
Universis Cristi fidelibus has litteras audituris Rogerus Dei gratia Coventr et Lych episcopus et frater Thomas prior et conventus Coventr salutem in omnium salvatore Cum super forma modoque visitandi prioratum Coventr inter nos Rogerum ex una parte ac eosdem priorem et conventum ex altera suborta fuisset materia questionis tandem habita diligenti deliberatione de peritorum consilio conquievit amicabiliter in hunc modum videlicet quod cum nos Rogerus et successores nostri prioratum visitaturi fuerimus antedictum ingrediamur capitulum Coventr cum clericis nostris secularibus duobus vel tribus quos voluerimus et aliis duobus scriptoribus clericis nobis iuratis vel aliquibus viris religiosis sicut nobis et successoribus nostris visum fuerit expedire et pro procuratione ac omnibus que ratione procurationis debentur seu peti poterunt nos predictus Rogerus episcopus et successores nostri recipiamus a loci priore et conventu decem marcas ita quod nullo modo alio nostra presentia vel successorum nostrum sit in esculentis et potulentis vel aliis huiusmodi procurationis causa debitis eisdem priori et conventui aut eorum monasterio contra eorundem beneplacitum onerosa Preterea nos Thomas prior et conventus predicti quia domus dicti episcopi iuxta monasterium nostrum inibi minantur ruinam et area sua ibidem nimium est angusta promittimus pro nobis et successoribus nostris ad ampliationem aree sue sibi et successoribus suis dare contiguam seu vicinam aream eiusdem longitudinis et latitudinis cuius est area quam nunc habet prout commodius poterit et oportunius assignari et nichilominus ducentas marcas pro dictis domibus reparandis et aliis construendis in quibus cum prefatum episcopum et successores suos ibidem declinare contigerit ad visitationis officium exercendum se cum sua familia recipiant inposterum et de bonis suis propriis cum predictis decem marcis ratione procurationis pretextu visitationis debitis et in eisdem exhibeant per se ipsos Et ut omnia premissa et singula perpetuis temporibus inviolabiliter observentur tam nos dictus Rogerus episcopus pro nobis et successoribus nostris quam nos Thomas prior et conventus predicti mutuis scriptis in modum cyrographi confectis mutua sigilla duximus apponenda Testibus domino Iohanne de Kirkeby archidiacono Coventr magistro Elya de Napton archidiacono Derb magistris Ada de Waleton cancellario et Alano Breton thesaurario Lich et domino Laurencio clerico specialiter convocatis Dat apud Coventr in festo apostolorum Philippi et Iacobi anno Domini millesimo ducentesimo octogesimo tertio