Charter Document - 05190304
| Charter Number: | 05190304 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1278 |
| Date type: | Internal, A.D., Calendar, Episcopal |
| Resource Link(s): |
|
Charter:
[O]mnibus Cristi fidelibus ad quos presens scriptum pervenerit Rogerus permissione divina Coventr et Lich ecclesiarum minister humilis salutem Ex officio nobis commisso loca religiosa paterna pietate fovere tenemur et promovere [et] eis uberius providere quos in Dei servitio vigilantiores noverimus ut dum eis in temporalibus providetur uberius et liberius divinis vacent obsequiis Hinc est quod predecessorum nostrorum vestigiis inherentes dilectis filiis priori et canonicis sancti Nicholai de Burscogh ecclesiam de Huyton in proprios usus habendam concedimus et confirmamus salvo nobis et successoribus nostris iure episcopali et parochiali et salva vicaria quam in eadem ordinavimus que consistere debet in competenti manso et portionibus decem marcarum taxandis per nos et successores nostros et vicario qui pro tempore fuerit assignandis ita tamen quod idem vicarius agnoscat medietatem duntaxat omnium onerum ordinariorum extraordinaria vero assignat pro parte sua quilibet predictorum In cuius rei testimonium impressio sigilli nostri presentibus est appensa Dat Ecclishall pridie idus Martii anno Domini millesimo CCLXXVII et consecrationis nostre xxi