Charter Document - 05190303
| Charter Number: | 05190303 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1277 |
| Date type: | Internal, A.D., Calendar, Episcopal |
| Resource Link(s): |
|
Charter:
Universis Cristi fidelibus presentes litteras audituris Rogerus divina miseratione Coventr et Lich episcopus salutem in omnium salvatore Noverit universitas vestra quod super portionibus in quibus vicaria de Huyton consistere possit competenter inquisitione prehabita diligenti sic vicarium qui pro tempore fuerit ibidem duximus providendum In nomine Domini amen Statuimus et ordinamus quod eiusdem loci vicaria perpetuo duratura consistat in portionibus infrascriptis videlicet in manso competenti quem capellani consueverunt habere iuxta cimiterium et in tribus selionibus terre extensis in longitudine versus boscum salva priori et canonicis de Burscogh via competenti ex transverso dictarum selionum ad grangiam eorundem item in omnibus oblationibus anni perquisitis quadragesime cum denariis emendationum lino medietate feni porcellis acuis alleis et porrectis lana agnis pomis oblationibus mortuorum sponsalium purificationum denariorum Dominicalium et oblatione cere die purificationis beate Marie Statuimus etiam et ordinamus quod vicarius qui pro tempore fuerit ibidem medietatem onerum ordinariorum videlicet procurationum archidiaconatum et synodalium sustineat et agnoscat extraordinaria vero pro portione ipsum contingente id est pro decem marcis sustineat omni vice In cuius rei testimonium impressio sigilli nostri presentibus est appensa Dat Brewode iii nonas Aprilis anno Domini millesimo CC septuagesimo septimo et consecrationis nostre xx