Charter Document - 05190302

Omnibus sancte matris ecclesie filiis presentes litteras inspecturis vel audituris Rogerus Dei gratia Conventr et Lich episcopus salutem in Domino sempiternam Noverit universitas vestra quod cum frater Nicholaus prior et canonici de Burschou sponte ordinationi nostre se submisissent super taxatione ac augmentatione vicariarum de Ormischirche et de Huyton prout in littera submissionis inde confecta plenius continetur nos attendentes paupertatem eorundem ac vicinitatem ipsius ecclesie de Ormischirche cui sine certo vicario per unum de canonicis suis possent satis commode deservire ac per hoc hospitalitatem eis potius incumbere quam vicario supradicto volumus et ordinamus quod vicarius qui pro tempore fuerit in augmentum portionis quam consueverunt percipere vicarii temporibus predecessorum nostrorum duas marcas sterlingorum de bonis dicti prioratus apud Ormiuschirche ad terminos subscriptos scilicet ad Pascha ad festum sancti Iohannis Baptiste ad Nativitatem beate Marie et ad natale Domini pro equalibus partibus persolvendis percipiat annuatim prior autem et canonici supradicti omnia onera ordinaria sustineant et agnoscant Volumus insuper et ordinamus qualibet taxatione nostra super vicaria de Huyton prehabita non obstante quod vicaria ecclesie de Huyton consistat in competenti manso et portionibus decem marcarum taxandis per nos vel successores nostros et vicario qui pro tempore fuerit assignandis ita tamen quod idem vicarius agnoscat medietatem duntaxat omnium onerum ordinarorium extraordinaria vero agnoscat pro parte sua quilibet predictorum Istas autem taxationes et augmentationem fecimus et ordinavimus consensu nostrorum capitulorum accedente statuentes ut in posterum nulla taxatio vel augmentatio fiat vicariarum in ecclesiis antedictis nisi de prioris et canonicorum processerit voluntate In cuius rei testimonium presentes litteras sigillo nostro fecimus communiri Dat Lich die Dominica proxima ante festum Beate Gregorii pape anno Domini MCC septuagesimo tertio