Charter Document - 05190301
| Charter Number: | 05190301 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1258 - 1295 |
| Date type: | Assigned |
| Resource Link(s): |
|
Charter:
Omnibus Cristi fidelibus hoc presens scriptum visuris vel audituris Rogerus de Meulond Coventr et Lich episcopus salutem in Domino Noveritis nos dedisse et concessisse et hac presenti carta nostra confirmasse Roberto de Bromleg clerico quatuor acras regales de vasto terre nostre in manerio nostro de Ecclessale iacentes in Farnhul inter terram eiusdem Roberti ex parte una et terram Rogeri de Borton ex altera cum quodam prato iuxta hayam versus le lee quod vocatur le Lee Medewe cum viva haicia et fossato cum pertinentiis tenenda et habenda de nobis et successoribus sibi et heredibus suis vel assignatis suis vel cuicumque aut quibuscumque dare vendere assignare vel in ultimis legare voluerit et si contingat dictum Robertum sine herede de corpore suo procreato vel sine assignato seu legatario decedere volumus et concedimus quod Rogerus de Wyvinton frater eiusdem Roberti et heredes sui vel sui assignati totum predictum tenementum cum pertinentiis iure hereditario habeant et teneant de nobis et successoribus nostris imperpetuum libere quiete bene et in pace cum omnibus commoditatibus et aysiamentis dicto tenemento spectantibus reddendo inde annuatim nobis et successoribus nostris duodecim denarios argenti ad terminos in manerio nostro predicto constitutos pro omni servitio exactione et demanda seculari Pro hac autem donatione concessione et presentis carte nostre confirmatione dictus Robertus nobis relaxavit et omnino quietum clamavit ac successoribus nostris totum ius suum quod habuit vel habere potuit in quodam prato de Bedenhale quod vocatur Switsiche Et nos vero Rogerus et successores nostri dictas quatuor acras de vasto terre nostre cum dicto prato quod vocatur le Le Medewe cum dictis haicia viva et fossato cum pertinentiis dicto Roberto et heredibus suis vel assignatis suis vel cuicumque aut quibuscumque ea dederit vendiderit assignaverit seu legaverit et si sine herede de corpore suo procreato vel sine assignato vel legatario decesserit predicto Rogero et heredibus suis vel assignatis suis in forma predicta contra omnes mortales warantizabimus acquietabimus et pro predicto servitio imperpetuum defendemus Et ut hec nostra donatio concessio et carte nostre confirmatio robur obtineat perpetue firmitatis tam nos quam Robertus predictus huic scripto indentato sigilla nostra alternatim apposuimus Hiis testibus Rogero de Aston Rogero de Borton Roberto de Horsle clerico Hugone de Wivereston Henrico de Emkydon Petro de Ioneston Adam dicto bedello de Ecclessale et aliis