Charter Document - 05190287
| Charter Number: | 05190287 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1266 |
| Date type: | Internal, A.D., Calendar |
| Resource Link(s): |
|
Charter:
Universis sancte matris ecclesie filiis presentes litteras inspecturis vel audituris Rogerus permissione divina Coventr et Lych episcopus salutem in auctore salutis Licet ex officii nostri debito nobis incumbat subditorum nostrorum omnium necessitatibus subvenire illorum tamen precipue relevare studemus inopiam qui pondere paupertatis ad ima depressi in bonis operibus se iugiter exercentes sancte ac religiose conversationis studio spiritum constanter dirigunt ad superna Hinc est quod nos dilectorum in Cristo filiorum prioris et conventus ecclesie sancte Marie de Ordbury nostre diocesis paupertati paterna pietate compatientes et ipsorum honestatem et hospitalitatis gratiam que iuxta facultates suas laudabiliter vigere dicuntur diligenter attendentes ecclesiam de Westonia iuxta Wappenbury eiusdem diocesis in qua prefati prior et conventus ius patronatus habere noscuntur eis et predicte ecclesie sancte Marie de Ordbury concessimus et donavimus sibi et eorum successoribus in usus proprios perpetuo possidendam salva nobis et successoribus nostris in ipsa ecclesia ordinaria potestate salvoque iure archidiaconali archidiacono loci et eius successoribus in eadem reservata etiam nobis potestate ordinandi in ecclesia predicta competentem vicariam prout deum pre oculis habentes iuxta facultates ipsius ecclesie viderimus expedire ad quam prefati prior et conventus et eorum successores nobis et successoribus nostris quotiens eam vacare contigerit capellanum idoneum libere presentabunt In cuius rei testimonium et memoriam perpetuuam presentes litteras sigilli nostri impressione fecimus communiri Hiis testibus fratre Nicholao priore sancti Thome iuxta Stafford magistris Radulpho de Chaddesden thesaurario Iohanne et Willelmo de Attilberg canonicis Lychesf Hugone de Scotere et Thome de Dunton clericis nostris Ada vicario ecclesie de Dersete et aliis Dat Brewod xii kalendas Februarii anno Domini MCCLX quinto