Charter Document - 05181259
| Charter Number: | 05181259 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1244 |
| Date type: | Internal, A.D., Feast |
| Resource Link(s): |
Reference Document for this Embedded Document Embedded Document |
Charter:
Universis Cristi fidelibus ad quos presens scriptum pervenerit magister Iohannes de Taunton tunc cancellarius Oxonie salutem in Domino Mandatum domini pape recepimus in hec verba [] Cum igitur auctoritate huius mandati coram sub delegato predecessoris nostri questio verteretur inter Ricardum thesaurarium Lich tunc rectorem ecclesie de Croxale ex parte una et priorem et conventum de Tuttesbir et Robertum de Rideware clericum reos ex parte altera super duabus partibus decimarum garbarum de dominico domini Radulphi de Sancto Amando in villa de Catton et duabus partibus decimarum garbarum domine Ysabelle de Hanton in eadem villa quas idem Ricardus thesaurarius petebat a dictis reis tamquam ad ecclesiam suam de Croxale communi iure spectantes et idem prior et conventus se dicerent ad tenendas dictas decimas sufficienter speciali iure munitos cum iam aliquantulum processissent in calidis sic inter eas amicabili fine quievit videlicet quod dictus thesaurarius Lich rector ecclesie de Croxhale et successores sui rectores eiusdem ecclesie de Croxale qui pro tempore fuerint perpetuo percipiant et possideant decimas antedictas et reddant dictis priori et conventui decem et octo solidos terminis infra scriptis videlicet in festo purificationis beate virginis proximo post festum sancti Michaelis novem solidos et in festo beati Iohannis baptiste novem solidos et sic deinceps annuatim Subiecitque se dictus Ricardus rector ecclesie de Croxale et successores suos rectores ecclesie de Croxale quantum in ipso fuit iurisdictioni decani Lich qui pro tempore fuerit ut possit eos si forsan aliquo terminorum in solutione cessaverint ad solutionem tam dicte pecunie quam dampnorum et expensarum que per hoc incurrerint dicti prior et conventus per censuram ecclesiasticam appellatione remota compellere Prior etiam et conventus de Repindon patroni ecclesie de Croxale supradicte huic compositioni consentientes in consensus sui testimonium sigillo suo unacum sigillis partium presentem paginam signaverunt Nos etiam dictam compositionem ratam habentes eam confirmavimus auctoritate sedis apostolice nobis in hac parte commissa cuius tenor superius continetur In premissorum autem testimonium et munimen presens scriptum sigilli nostri munimine fecimus roborari Act anno gratie MCCXL quarto apud Lich die sancti Iohannis apostoli
Markups
Names Markup:
Universis Cristi fidelibus ad quos presens scriptum pervenerit magister Iohannes de Taunton tunc cancellarius Oxonie salutem in Domino Mandatum domini pape recepimus in hec verba []embed Cum igitur auctoritate huius mandati coram sub delegato predecessoris nostri questio verteretur inter Ricardum thesaurarium Lich tunc rectorem ecclesie de Croxale ex parte una et priorem et conventum de Tuttesbir et Robertum de Rideware clericum reos ex parte altera super duabus partibus decimarum garbarum de dominico domini Radulphi de Sancto Amando in villa de Catton et duabus partibus decimarum garbarum domine Ysabelle de Hanton in eadem villa quas idem Ricardus thesaurarius petebat a dictis reis tamquam ad ecclesiam suam de Croxale communi iure spectantes et idem prior et conventus se dicerent ad tenendas dictas decimas sufficienter speciali iure munitos cum iam aliquantulum processissent in calidis sic inter eas amicabili fine quievit videlicet quod dictus thesaurarius Lich rector ecclesie de Croxhale et successores sui rectores eiusdem ecclesie de Croxale qui pro tempore fuerint perpetuo percipiant et possideant decimas antedictas et reddant dictis priori et conventui decem et octo solidos terminis infra scriptis videlicet in festo purificationis beate virginis proximo post festum sancti Michaelis novem solidos et in festo beati Iohannis baptiste novem solidos et sic deinceps annuatim Subiecitque se dictus Ricardus rector ecclesie de Croxale et successores suos rectores ecclesie de Croxale quantum in ipso fuit iurisdictioni decani Lich qui pro tempore fuerit ut possit eos si forsan aliquo terminorum in solutione cessaverint ad solutionem tam dicte pecunie quam dampnorum et expensarum que per hoc incurrerint dicti prior et conventus per censuram ecclesiasticam appellatione remota compellere Prior etiam et conventus de Repindon patroni ecclesie de Croxale supradicte huic compositioni consentientes in consensus sui testimonium sigillo suo unacum sigillis partium presentem paginam signaverunt Nos etiam dictam compositionem ratam habentes eam confirmavimus auctoritate sedis apostolice nobis in hac parte commissa cuius tenor superius continetur In premissorum autem testimonium et munimen presens scriptum sigilli nostri munimine fecimus roborari Act anno gratie MCCXL quarto apud Lich die sancti Iohannis apostoli