Charter Document - 05181225
| Charter Number: | 05181225 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1240 - 1250 |
| Date type: | Assigned |
| Resource Link(s): |
Reference Document for this Embedded Document |
Charter:
Sciant presentes et futuri quod ego Thomas de Wymundeham precentor ecclesie Lichisf dedi et concessi et presenti carta mea confirmavi Roberto de Hulton pro homagio et servitio suo terram illam cum pertinentiis quam Hugo de Morchale aliquando tenuit ex concessione Matthei quondam precentoris Lichisf predecessoris mei in Morchale Dedi etiam et concessi eidem Roberto in augmentum terre eiusdem illud tenementum cum pertinentiis quod vocatur Blacknaveridding quod Robertus Pyrtle de eodem Mattheo predecessore meo aliquando tenuit pro tribus acris terre ibidem habendum et tenendum eidem Roberto et heredibus suis vel suis assignatis exceptis viris religionis libere et quiete bene et in pace de me et successoribus meis precentoribus predicte ecclesie Lichisfeld iure hereditario inperpetuum reddendo annuatim mihi et successoribus meis precentoribus memorate ecclesie decem solidos sterlingorum ad quatuor terminos anni videlicet ad festum sancti Michaelis duos solidos et sex denarios ad festum sancti Andree duos solidos et sex denarios ad festum Annuntiationis beate Marie duos solidos et sex denarios et ad festum nativitatis sancti Iohannis baptiste duos solidos et sex denarios pro omni servitio et demanda Et ego et successores mei warantizabimus eidem Roberto et heredibus suis et suis assignatis in forma predicta terram supradictam et tenementum cum pertinentiis contra omnes gentes inperpetuum In cuius rei testimonium presenti carte sigillum meum apposui Hiis testibus Willelmo archidiacono Derb magistris Radulpho de Lacoc et Reginaldo de Cleydon canonicis Lichisf Roberto de Meuton Ricardo le Blund Roberto del Wall Willelmo de Honiswr Galfrido de Curebur et aliis