Charter Document - 05181170
| Charter Number: | 05181170 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1231 |
| Date type: | Internal, A.D. |
| Resource Link(s): |
Reference Document for this Embedded Document |
Charter:
Noverint universi presens scriptum visuri vel audituri quod cum inter priorem de Tuttesbir et eiusdem loci conventum ex una parte et Robertum de Rideware rectorem ecclesie de Hertindon ex altera tam coram iudicibus a domino papa delegatis quam coram arbitris ex communi consensu partium electis super quibusdam decimis maioribus et minoribus de foresta de Hertindona provenientibus necnon et super decima feni de prato subtus castellum Tuttesbir quod ad capellam eiusdem castelli pertinet questio verteretur tandem lis amicabili compositione sub hac forma conquievit videlicet quod omnes decime de foresta de Hertindon provenientes preter decimam venationis cum decimis supradicti prati penes capellam de Tuttesbir et ecclesiam de Hertindon ad dictam capellam pertinentem in perpetuum residebunt omni adempta facultate supradictis priori et conventui Tuttesbir aliquam aliquo tempore dicto Roberto vel eius successoribus super hiis vel eorum aliquo movendi questionem inposterum Decima autem venationis de foresta de Hertindon penes prioratum Tuttesbir inperpetuum sicut prius ante a tempore cuius non extat memoria residebat remanebit Predictus vero rector in recompensatione aliarum decimarum de foresta de Hertindona provenientium videlicet tam earum quas supradicti prior et conventus Tuttesbir ab eodem petierunt tanquam ad ecclesiam suam Tuttesbir de iure spectantes et pertinentes quam aliarum utpote decimarum feni in quarum eo tempore fuerunt possessione concessit sepedictis priori et conventui Tuttesbir inperpetuum quinque acras prati quas habere et tenere consuevit infra territorium de Merston in pratis eusdem ville ita quod omnis copia et facultas dicto Roberto eiusque successoribus in ecclesia de Hertindon succedentibus inperpetuum adimatur supradictum pratum revocandi vel super eo questionem movendi Facta fuit ista compositio de assensu domini W de Ferrar comitis Derb anno incarnationis Dominice MCCXXX primo mense Septembris in presentia virorum subscriptorum Et hec compositio robur obtineat utraque pars huic scripto sigillum suum apposuit Hiis testibus []