Charter Document - 05181141

Gregorius episcopus [] venerabili fratri episcopo Coventr salutem [] Dilecti filii prior et fratres ordinis predicatorum Oxon cum quibusdam aliis in oratorio quod idem fratres ordinis predicatorum habent Oxon pro eo quod est infra limites parochie sancti A ad dictorum prioris et fratrum sancte Frideswide ecclesie pertinentis in quodam fundo de quo percipiunt centum censum divina non sinunt officia celebrari nec ibi ad opus eorum fratrum cimiterium benedici licet per hoc census non minuatur in aliquo supradictus Cumque ipsi fratres dictum vellent oratorium ampliare idem prior et fratres sancte Frideswide suggerentes bone memorie H pape predecessori nostro quod dicti prior et fratres ordinis predicatorum in preiudicium suum novum ibidem oratorium construebant super hoc ad venerabilem fratrem nostrum Cicestr episcopum et eius collegas ab ipso contra eos litteras impetrarunt impetrata nichilominus indulgentia tua cui liceat infra parochiam sive limites sine suo et diocesani assensu de novo ecclesiam fabricare et liceat eis postmodum idem predecessor dederit in mandatis ut proinde attendentes quod spiritualia lucra lucris debent temporalibus anteferri permitterent dictos fratres in oratorio ipso libere celebrare ac habere ibidem cimiterium ad opus suum et familie sue tantum et venerabili fratri nostro episcopo Lincoln loci diocesano scripsit ut ipsos ad id diligenter monueret atque induceret ac si forte suis non curarent adquiescere monitis ipse fratribus celebrandi in oratorio supradicto ac habendi cimiterium ibi ad opus suum et familie sue sine iuris alieni preiudicio licentiam exhiberet nec ipsi tum prior et fratres sancte Frideswide curaverunt efficere quod predecessor noster sepedictus mandavit nec dictus episcopus licentiam illis tribuit antedictam Denique cum ad venerabilem fratrem nostrum Sar episcopum apostolicas litteras impetrassent super licentiam celebrandi in oratorio sepedicto quam earum impetrator credebat a prefato priore ipsis esse concessam set quia de illa constare non potuit suum non fuerunt propositum assecuti quare nobis humiliter suplicarunt ut super hiis paterna providere sollicitudine dignaremur nolentes igitur profectum dictorum fratrum quibus plurimum expedit Oxon commorari specialiter propter sacre pagine studium quod viget ibidem per huiusmodi difficultates ulterius retardari eorum universitati nostris dedimus litteris in preceptis ut permittant eos libere celebrare in oratorio supradicto et illud sicut expediet ampliare ac ibidem habere cimiterium ad opus suum et familie sue tantum ita tamen quod census quem in fundo habere dicuntur predicto per hoc nullatenus minuatur Ideoque fraternitati tue per apostolica scripta mandamus quatinus nisi dictus prior et fratres sancte Frideswide curaverint efficere quod mandamus tu eisdem priori et fratribus ordinis predicatorum auctoritate nostra licentiam tribuas faciendi predicta contradictores et rebelles si qui fuerint monitione permissa per censuram ecclesiasticam appellatione postposita compescendo Dat Lateran viii id Aprilis pontificatus nostri anno i