Charter Document - 05180281
| Charter Number: | 05180281 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Excommunication |
| Date: | 1245 - 1259 |
| Date type: | Assigned |
| Resource Link(s): |
|
Charter:
Excellentissimo domino suo H Dei gratia illustri Angl domino Hybern duci Norm Aquit et comiti Andeg suus R miseratione divina Coventr et Lych episcopus salutem et quam debitam tam devotam cum omni honore reverentiam Noverit dominatio vestra quod Thomas Rag et Hova filia Lader de Ellesmere culpis suis exigentibus sententia excommunicationis meruerunt innodari in qua per quadraginta dies et amplius claves ecclesie contempnendo contumaciter perseveraverunt adhuc incorrigibiles existentes Quapropter serenitati vestre supplicamus attente quatinus predictos excommunicatos ad satisfaciendum Deo et ecclesie secundum consuetudinem regni vestri regia potestate dignemini cohercere Valeat dominatio vestra semper in Domino