Charter Document - 05180279
| Charter Number: | 05180279 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Excommunication |
| Date: | 1245 - 1259 |
| Date type: | Assigned |
| Resource Link(s): |
|
Charter:
Excellentissimo domino suo Henrico Dei gratia illustri regi Anglie domino Hybernie duci Normannie Aquitannie et comiti Andegavie suus Rogerus miseratione divina Coventr et Lych episcopus salutem et tam devotam quam debitam cum omni honore reverentiam Noverit dominatio vestra quod Gilbertus de Barton miles propter suam contumaciam manifestam excommunicationis sententia meruit innodari in qua per quadraginta dies et amplius claves ecclesie contempnendo contumaciter perseverans adhuc incorrigibilis existit Quapropter serenitati vestre supplicamus attente quatinus predictum excommunicatum ad satisfaciendum Deo et ecclesie secundum consuetudinem regni vestri regia potestate dignemini cohercere Valeat excellentia vestra semper in Domino