Charter Document - 05180263
| Charter Number: | 05180263 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1255 |
| Date type: | Internal, Calendar, Episcopal |
| Resource Link(s): |
|
Charter:
Universis Cristi fidelibus ad quos presens scriptum pervenerit Rogerus miseratione divina Coventr et Lich ecclesiarum minister humilis salutem in Domino Universitati vestre notum facimus nos de consensu et voluntate dilectorum in Cristo filiorum prioris et conventus Tuttesbir vicariam perpetuam in ecclesia parochiali eiusdem loci in forma subscripta ordinasse videlicet quod vicarius eiusdem ecclesie qui pro tempore fuerit habeat totum altar agium exceptis decimis feni purcellorum et principali legato que prior percipiet exceptis etiam oblationibus in maioribus festis anni provenientibus et oblationibus candele totius anni et quibusdam fraternitatibus voluntariis que percipiet sacrista ecclesie de Tuttesbir prout antiquitus percipere consuevit Prior vero Tuttebir dicto vicario ad sustentationem sui diaconi annuatim solvet de camera sua unam marcam videlicet ad festum sancti Michaelis dimidiam marcam et ad festum Pentecostes dimidiam marcam idemque prior omnia onera ordinaria et extraordinaria dictam ecclesiam contingentia sustinebit Vicarius vero ad sui sustentationem singulis diebus anni de prioratu de Tuttesbir integram habebit liberationem unius monachi tam in pane et servisia quam etiam in coquina et personaliter in eadem ecclesia residebit ac per se ipsum et diaconum ydoneum et honestum eidem ecclesie faciet de serviri et coquinaria Tuttesbir annuatim solvet centum solidos videlicet ad festum sancti Michaelis viginti solidos ad festum Purificationis beate Marie viginti solidos ad pascha viginti solidos et ad festum nativitatis sancti Iohannis baptiste quadraginta solidos Prior siquidem et conventus Tuttesbir ad dictam vicariam cum vacaverit nobis et successoribus nostris personam ydoneam presentabunt Et ut hec nostra ordinatio perpetuum robur optineat presens scriptum sigillo nostro fecimus communiri salvis tamen nobis et successoribus nostris in ecclesia antedicta iure parochiali et pontificali et Coventr et Lich ecclesiarum dignitate Valete Dat Heywode quinto kalendas Decembris pontificatus nostri anno xi