Charter Document - 05180257
| Charter Number: | 05180257 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1254 |
| Date type: | Internal, A.D., Episcopal, Feast |
| Resource Link(s): |
|
Charter:
Universis sancte matris ecclesie filiis presentes litteras visuris et audituris Rogerus miseratione divina Coventr et Lich episcopus salutem in Domino sempiternam Noveritis quod cum prior et conventus de Newport Peynell ecclesiam de Aston cum capella Bromwich et earum pertinentiis cuius ius patronatus ad eos pertinere dinoscitur ordinationi nostre per eorum litteras patentes dictorum prioris et conventus sigillis munitas submisissent promittendo se ratum et firmum quicquid nos circa dictas ecclesiam et capellam et earum pertinentes duxerimus ordinandum nos religionem et honestatem dictorum prioris et conventus respicientes [et] cultus divini augmentum in ecclesia Lych summa intentione desiderantes eo tamen proviso quod dicta ecclesia debitis non fraudetur obsequiis domini [habitantibus parochianis] sic duximus ordinandum videlicet quod cedente vel decedente magistro Willelmo de Alkemum rectore eiusdem ecclesie prefate ecclesia de Aston et capella de Bromwich cum earum pertinentiis prefatis priori et monachis de Newport Paynell necnon et eorum successoribus in usus proprios cedant imperpetuum salva vicaria competenti secundum facultates dicte ecclesie per nos et successores nostros ordinanda ad quam dicti prior et conventus et eorum successores idoneam presentabunt personam quotiens vacare contingent salvaque competenti portione de bonis predictarum ecclesie et capelle cum earum pertinentiis commune ecclesie nostre Lich seu in aliis eiusdem ecclesie piis usibus per nos vel successores convertenda taxanda et assignanda Huic vero ordinationi consensum expressum adhibet frater Iohannes monachus et procurator dictorum prioris et conventus qui in hac parte mandatum habuit speciale prout in quadam littera eorum super hoc confecta plenius continetur In cuius rei testimonium predictis litteris sigillum nostrum duximus apponendum Dat apud Brewood in crastino sancte Cicelie virginis pontificatus nostri anno decimo et anno gratie MCCLIIII in presentia filiorum domini Radulphi decani Lych et magistrorum Radulphi de Lacok Walteri de Berton Alexandri Blund Willelmi de Eccleshall Nicholai de Lega canonicorum Lych et aliorum