Charter Document - 05180252

Omnibus Cristi fidelibus presens scriptum visuris vel audituris frater Adam abbas Salop et eiusdem loci conventus salutem in Domino sempiternam Universitati vestre notum facimus quod cum coram precentore Lincol auctoritate apostolica super quibusdam decimis in parochia de Welinton provenientibus inter Rogerum de Corthon canonicum Lich ex parte una et nos ex altera questio verteretur tandem coram venerabili in Cristo patre domino Rogero Conventr et Lich episcopo loci dioecesano lis conquievit in hunc modum videlicet quod frater Thomas de Salop con monachus noster quem procuratorem nostrum ad componendum et transigendum in dicta causa coram dicto domino episcopo constituimus nomine nostro dictis die et loco sponte confitebatur se velle restituere et etiam de facto nomine nostro dicto Rogero de Corthton canonico Lich nomine prebende sue de Welintone restituit medietatem decimarum de tres decem bovatis terre arabilis de vilenagio nostro de Eston et omnes decimas feni ad predictam terram pertinentis que de iure communi ad prebendam pertinent antedictam Concessit etiam dictus frater Thomas nomine procuratorio prefato Rogero nomine dicte prebende medietatem decimarum proveniendum de novalibus precisis post tempus ordinationis facte a bone memorie Alexandro quondam Conventr et Lich episcopo de dicta prebenda et etiam de novalibus de cetero precidendis infra limites parochie de Welinton salvis nobis decimis feni in parochia predicta in quarum possessione domus nostra extitit videlicet omnibus decimis de dominico de Eston et duabus partibus omnium decimarum de decimis de Hadleg de Welinton de Erdelneston et de Walecote Item idem frater Thomas auctoritate predicti mandati procuratori dicto Rogero concessit omnes alias decimas feni in quarum possessione domus nostra non extitit in omnibus aliis et per omnia ordinatione rata manente memorata Et quoniam parvo incommodo expedit a strepitu causarum servos Dei quietos existere ad plenam pacem et inconcussam inter abbatiam de Salop et dictum Rogerum canonicum Lich habendam salvo iure successorum eiusdem Rogeri in eadem prebenda salvoque iure nostro in omnibus et per omnia prenominatus frater Thomas nomine nostro eidem Rogero dimidiam marcam argenti annuatim infra octabas nativitatis sancti Iohannis Baptiste apud ecclesiam de Welinton fideliter solvendam toto tempore dicti Rogeri sub pena dimidie marce eidem Rogero quotiens commissa fuerit minoratio pro bono pacis concessit Nos vero factum antedicti fratris Thome procuratoris nostri in hac parte ratum et gratum habentes fideliter promittimus nos illud idem in omnibus et per omnia in forma premissa fore servaturos Et insuper bona fide promittimus quod illum impedimentum prestabimus vel a quoquam prestari procurabimus quominus Rogerus idem dictas decimas in forma predicta integre et pacifice percipere possit Dominus vero Rogerus omnibus impetratis et impetrandis cuiuscumque fori et omni iuri sibi in hac parte competenti de dictis decimis petendis a dictis abbate et conventu possessis penitus renuntiavit et fideliter promisit quod numquam dictos abbatem et conventum super eisdem decimis vexabit aut inquietari procurabit Ut autem omnia predicta et singula stabilia sint et inconcussa dictus Rogerus et predicti abbas et conventus sigilla sua huic scripto in modum cyrographi confecto in testimonium premissorum alternatim apposuerunt Datum apud Wombrug in crastino cathedre sancti Petri apostoli anno gratie MCCXLVIII Hiis testibus R archidiacono Cestrensi Henrico de Wysawe officiali domini episcopi Thoma Willelmo Radulpho I de Sperham clericis eiusdem