Charter Document - 05180247
| Charter Number: | 05180247 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1253 |
| Date type: | Internal, Episcopal |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit Rogerus miseratione divina Coventr et Lych episcopus eternam in Domino salutem Cum dilectus in Cristo filius magister Willelmus de Luceby archidiaconus Derb concesserit et contulerit Thome de Luceby consanguineo suo et heredibus suis et assignatis quandam eschaetam suam totam videlicet terram quam tenuit Odo Calvus de prebenda sua et totam etiam terram quam tenuit Syrich filius Colling de eadem cum omnibus libertatibus aysiamentis et aliis earumdem terrarum pertinentiis pro septem solidis annuatim sibi et successoribus suis in eadem prebenda solvendis preter quos dicta prebenda nichil amplius percipere solebat Nos attendentes nichil nobis vel ecclesie nostre vel etiam dicte prebende in hac parte deperire dictas concessionem et collationem ratas habentes ipsas episcopali confirmavimus auctoritate Hiis testibus domino Radulpho thesaurario Lych magistris Nicholao de Staunford et Henrico de Wissehawe Dominis Nicholao de Leg Rogero de Thorneton canonicis Lych Willelmo de Neweton capellano Willelmo de Burenton clerico et aliis Et ad premissorum maius testimonium hoc scriptum nostrum signo nostro signatum dicto Thome fieri fecimus Dat apud Heywode iii idus Ianuarii pontificatus nostri anno octavo