Charter Document - 05180246

Omnibus sancte matris ecclesie filiis ad quos presens scriptum pervenerit Rogerus miseratione divina Conventr et Lich episcopus eternam in Domino salutem Divini nominis cultum augeri ac ecclesie Lincoln honorem ampliari estuanti desiderio desiderantes ad devotionem fidelium excitandam damus concedimus et presentium tenore confirmamus Deo et ecclesie Linc et domino Henrico eiusdem ecclesie decano et eiusdem successoribus qui pro tempore fuerint decani Linc ad sustentationem unius capellani qui missam matutinarum singulis diebus in eadem ecclesia celebrabit inperpetuum totam terram cum omnibus redditibus tofto capitali et aliis toftis omnibus ac edificiis in eisdem consistentibus que emimus de Roberto le Wine filio Ade le Wyne in villa de Wirkesworth prout in ipsius carta super dictorum terre reddituum et toftorum venditione nobis confecta continetur preterea unum toftum cum crofto et aliis pertinentiis in eadem villa quod emimus de Henrico Braund prout in ipsius carta continetur item illam portionem molendini de Quernedon quam Willelmus de Roleston nepos bone memorie Rogeri de Roleston quondam Linc ecclesie decani habuit in prefato molendino per concessionem decani memorati quam etiam portionem a Iohanne filio et herede eiusdem Willelmi emimus prout ipsius carta testatur ad hec viginti et duas acras terre cum tribus toftis in villa et territorio de Bramton cum pertinentiis que dictus dominus Henricus Linc ecclesie decanus ad prefate misse sustentationem de Thoma filio Radulphi de Brampton de pecunia nostra comparavit ut ex tenore carte ipsius Thome liquere potest preterea unam acram terre in eadem villa emptam similiter de Waltero Lynacr cum quadam placea prati extra cimiterium ecclesie de Brampton ceterum undecim acras et unam rodam terre arrabilis et quinque tofta cum pertinentiis in Cestrefeld que idem dominus Henricus decanus emit de Matild de Kelum item quatuor acras terre in territorio de Wirkesworth quas prefatus Henricus decanus emit de Agnete filia Ade ad Pontem et redditum sex denariorum annuorum de Gilberto filio Hugonis de Wigel per eundem decanum redemptum qui eidem Gilberto debebatur de quodam tofto quod Adam le Wyne quondam de eo tenuit de feodo decanatus cuius cartam unacum aliis cartis omnium predictarum emptionum sepe dicto domino decano pro maiori securitate tradi fecimus Ita videlicet quod idem Henricus decanus et successores sui omnes qui pro tempore fuerint Linc ecclesie decani dictas terras redditus et tofta cum prefata molendini portione ac aliis pertinentiis quibuscunque habeant et teneant libere et quiete in puram et perpetuam elemosinam inveniendo inperpetuum unum capellanum honestum singulis diebus missam ordine subscripto summo mane celebraturum videlicet singulis diebus Dominicis de die qualibet die iovis de sancto spiritu et omni die sabbati de beata virgine reliquis vero diebus omnibus pro animabus Linc et Conventr et Lich episcoporum ac Linc ecclesie decanorum necnon pro animabus omnium fidelium defunctorum In premissorum vero testimonium et munimen presenti scripto signum nostrum fecimus apponi Hiis testibus dominis Thoma precentore Radulpho thesaurario magistris Radulpho de la Coc Nicholao de Stanf Henrico de Wishag canonicis Lichefeld ecclesie ac dominis Iohanne perpetuo vicario de Esseburne Nicholao de Leg canonico Gnousal Iohanne de Derby persona de Magdel Actum apud Brewode iii idus Februarii anno Domini MCCL primo