Charter Document - 05180245
| Charter Number: | 05180245 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1250 |
| Date type: | Internal, Calendar, Episcopal |
| Resource Link(s): |
|
Charter:
Universis Cristi fidelibus ad quos presens scriptum pervenerit Rogerus Dei gratia Coventrensis et Lichefeldensis episcopus salutem in Domino Noverit vestra universitas nos ex inspectione instrumentorum autenticorum pie recordationis Ricardi episcopi predecessoris nostri et Ricardi archiepiscopi Cantuariensis totius Anglie primatis et apostolice sedis legati liquide perpendisse ecclesiam de Brewode cum omnibus pertinentiis suis terras de Alreschawe et de Thorleymor cum suis pertinentiis et decimam piscium vivariorum episcopi apud Lichefeld decano et decanatui ecclesie nostre Lichefeldensis esse collatas et confirmatas perpetuo possidendas Ecclesiam etiam de Edbaldeston cum suis pertinentiis omnibus eidem decanatui in augmentum decanatus per bone memorie episcopum Hugonem predecessorem nostrum collatam esse et concessam et per Hubertum Cantuariensis archiepiscopum totius Anglie primatem et papam Honorium in corpore eiusdem decanatus unitam confirmatam prout ex inspectione autenticorum instrumentorum eorundem perpendimus evidenter Nos igitur predecessorum nostrorum vestigiis inherentes et dilecte sponse nostre Lichefeldensis ecclesie incrementum in Domino plurimum affectantes collationes concessiones et confirmationes predictas ratas habentes et gratas eas episcopali auctoritate confirmamus In premissorum autem testimonium presenti scripto sigillum nostrum fecimus apponi Datum apud Stanleg xii kalendas Maii pontificatus nostri anno quinto Hiis testibus Thome precentore Lichefeldensis Radulpho thesaurario eiusdem Adam archidiacono Cestrensis magistris Henrico de Wishawe Radulpho de Lacock Waltero de Perton et Rogero de Thurton canonicis Lichefeldensis Walkelino et Willelmo capellanis nostris Willelmo de Burton et aliis