Charter Document - 05180244

Rogerus miseratione divina Coventrensis et Lichefeldensis ecclesiarum minister humilis dilectis in Cristo filiis decano et capitulo ecclesie Lichefeldensis salutem in Domino sempiternam Obsequia divina cotidie que in ecclesia nostra Lichefeldensis devote exhibentur nos ammovent et inducunt ut eandem ecclesiam in Domino diligamus et ipsius honorem utilitatem incrementum paterna sollicitudine prosequamur Ea propter ut eadem obsequia futuris temporibus perpetua stabilitate pacifice perseverent de voluntate et consensu dilectorum in Cristo filiorum prioris et conventus monasterii Coventrensis vestris piis desideriis annuentes ecclesias de Baucwell Hope cum earum capellis Tydeswelle Kanoco Ruggel et de Arleye cum omnibus suis pertinentiis et dependentibus ex eisdem habito consensu legitimo omnium quorum assensus debuit intervenire vobis et per vos ecclesie Lichefeldensis predicte ad usus communes sustinentium obsequia memorata concedimus et confirmamus habendas inperpetuum pleno iure liberas et absolutas ab omni iurisdictione archidiaconali Decem etiam solidos annuos de ecclesia de Seneston decem libras annuas de ecclesia de Dunchirche decem libras annuas de ecclesia de Estlemyngton decem marcas annuas de ecclesia de Bromleya viginti quatuor marcas annuas de ecclesia de Wynequick triginta marcas annuas de ecclesia de Sutham decem marcas annuas de ecclesia de Matherefeld et viginti marcas annuas de ecclesia de Eston habito consensu legitimo eorum quos premissa contingebant consentientibus priore et conventu memoratis vobis concedimus et confirmamus ac per vos ecclesie Lichefeldensis predicte ad usus memoratos perpetuo absolute et libere optinenda Item de ecclesia de Waleshale sexaginta solidos annuos ad opus fabrice eiusdem ecclesie Lichefeldensis et viginti solidos annuos ad opus vicariorum ministrantium in missa beate Marie in eadem ecclesia Lichefeldensis item de ecclesia de Byriton decem marcas annuas ad opus sacristarie ipsius ecclesie Lichefeldensis et de bonis ecclesie de Yolgrave decem marcas annuas ad opus eiusdem de ecclesia de Bradeleye quinque marcas annuas ad opus presbiteri ministrantis in altari beate Marie in prefata ecclesia Lichefeldensis et de canonicis de Dala quadraginta solidos annuos ad opus vicariorum ministratum in eodem altari habito super hoc consensu legitimo omnium quorum assensus debuit requiri vobis et per vos ecclesie Lichefeldensis prenominate concedimus et confirmamus habenda ad usus prenominatos inperpetuum Preterea ut omnia in ecclesia et pro ecclesia Lichefeldensis iam dicta pio studio statuta ordinata provisa concessa et confirmata a quibuscunque perpetua firmitate solidentur dilectorum prioris et conventus interveniente consensu volumus et concedimus quod quotienscunque decanatum eiusdem ecclesie Lichefeldensis vacare contigerit vos et vestri successores inperpetuum decanum eidem ecclesie in forma iuris libere eligatis et quod idem decanatus qui consistit in ecclesia de Brewode et capella de Adbaston precentoria consistens in ecclesia de Ichentonne et de Chadeleshonte cum earum capellis thesauraria consistens in ecclesiis de Sallowe et de Wylne cum earum capellis cancellaria consistens in ecclesia de Alrewas cum suis capellis prebende de Freford Weford Hondesacr Longedon Stotfold Bissoppeshull Pipa Minori cum ecclesia de Prees Bercleswyc Ulethton Wlfeye Thachebroch Gaya Horburn Eccleshale Curbugh Derneford Terve Welinton Colewyz Bobinhull Rutton Meresbur et prebende consistentes in denariis Beati Petri de Heywode Brewode Langedon Eccleshale et in certa terra in Derscete cum omnibus ad predicta spectantibus et dependentibus ex eisdem et constitutiones bone memorie Hugonis predecessoris nostri de consensu vestro facte super residentia canonicorum cura animarum parochianorum vestrorum iurisdictione eorundem visitatione facienda per decanum fructibus canonicorum decedentium firma stabilitate perpetuo perseverent Omnia vero bona prelibata [] universa tam ecclesiastica quam secularia tam temporalia quam spiritualia cum omnibus ad eadem pertinentibus que in presentiarum rationabiliter habetis seu futuris temporibus domino concedente iustis modis poteritis adipisci vobis vestrisque successoribus inperpetuum auctoritate pontificali concedimus optinenda ac per vos ecclesie Lichefeldensis prenotate cum omnibus libertatibus consuetudinibus perpetuo libera integra illibataque permanere et specialiter inter alia quod ecclesie Coventrensis et Lichefeldensis semper in electione episcopi Coventrensis et Lichefeldensis pares quoad numerum censeantur licet in una maior sit numerus eligentium quam in altera salva sedis apostolice provisione quam quoad hoc partes debere sic intelligi consenserunt supradictis vero conventu Coventrensis expressum consensum ad premissa prebentibus auctoritate pontificali in nomine Domini statuimus ordinamus et confirmamus In premissorum autem robur et testimonium presenti scripto sigillo nostro sigillata memorati prior et conventus Coventrensis commune sigillum monasterii eorundem in eorum consensus testimonium fecerunt apponi Valete in Domino Datum apud Heywode pridie kalendas Septembris anno gratie MCCL quinto et pontificatus nostri anno undecimo