Charter Document - 05180237
| Charter Number: | 05180237 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Grant, Confirmation |
| Date: | 1249 - 1253 |
| Date type: | Assigned |
| Resource Link(s): |
|
Charter:
Universis Cristi fidelibus presens scriptum visuris vel audituris Rogerus miseratione divina Coventr et Lich episcopus salutem in Domino sempiternam Noscat vestra universitas nos dedisse concessisse et hac carta nostra confirmasse dilecto in Cristo filio Thome precentori Lich rectori de Ichinton ad augmentandum mansum suum quod habet in Ichinton ratione ecclesie sue predicte quandam particulam terre de Dominico nostro de Ichinton continentem ix selliones et i goram contigue et continue iacentes iuxta ipsum mansum ex parte occidentali et extendunt se in longitudine a fossato curie nostre usque ad proximum iter quo tenditur de Ichinton versus Gaydon habendam et tenendam de nobis et successoribus nostris Coventr et Lich episcopis eodem Thome et suis successoribus eiusdem ecclesie rectoribus in puram et perpetuam elemosinam Et liceat eidem et eius successoribus ipsam terram includere et clausam tenere et eadem uti ut sibi expedire viderint inperpetuumm et nos et successores nostri warantisabimus eidem Thome et suis successoribus predictam terram contra omnes gentes in forma premissa inperpetuum In predictorum autem testimonium presens scriptum inde fieri fecimus et illud sigillo nostro roboravimus Hiis testibus magistro Radulpho de Chaddesden thesaurario Lich magistro Ada de Stanford archidiacono Cestr magistris Radulpho Lacok Henrico de Wyssawe Thoma Comin canonicis Lich et aliis