Charter Document - 05180221
| Charter Number: | 05180221 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Excommunication |
| Date: | 1254 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino suo Henrico Dei gratia illustri regi Anglie domino Ibernie duci Normannie Aquitannie et comiti Andegavie suus Rogerus miseratione divina Coventr et Lych episcopus salutem et tam debitam quam devotam cum omni honore reverentiam Noverit excellentia vestra quod Radulphus de Derdon laicus nostre dioecesis culpis suis exigentibus excommunicationis sententia meruit innodari in qua per xl dies et amplius claves ecclesie contempnendo contumaciter perseveravit adhuc incorrigibilis existens Quapropter serenitati vestre supplicamus attente quatinus predictum excommunicatum ad satisfaciendum Deo et ecclesie secundum consuetudinem regni vestri regia potestate dignemini cohercere Valeat excellentia vestra semper in Domino Datum apud Heywode ii nonas Ianuarii anno Domini MCCL tertio