Charter Document - 05180219
| Charter Number: | 05180219 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Excommunication |
| Date: | 1253 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino suo Henrico Dei gratia illustri regi Anglie domino Hybernie duci Normannie comiti Andegavie et Aquitannie devotus suus Rogerus miseratione divina Coventr et Lych episcopus salutem cum omni honore et reverentia Noverit dominatio vestra quod Rogerus filius Margerie vidue de Podemore nostre dioecesis culpis suis exigentibus excommunicationis sententia meruit innodari in qua per quadraginta dies et amplius pertinaciter perseverans adhuc incorrigibilis existit claves ecclesie contempnendo Quapropter serenitati vestre devote supplicamus quatinus dictum Rogerum ad satisfaciendum Deo et ecclesie iuxta regni vestri consuetudinem regia potestate cohercere dignemini Datum apud Heywode xvii kalendas Decembris anno gratie millesimo ducentesimo quinquagesimo tertio Valeat dominatio vestra semper in Domino