Charter Document - 05180207
| Charter Number: | 05180207 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1255 - 1256 |
| Date type: | Internal, A.D., Episcopal |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit Rogerus Dei gratia Covintr et Lychesfeld episcopus salutem eternam in Domino Iustis petentium desideriis facilem convenit prebere assensum et vota que a iuris tramite non discordant effectu subsequente complere Ea propter ut divina officia in ecclesia nostra Covintr futuris temporibus liberius et quietius exerceantur petitioni ac devotioni dilectorum in Cristo filiorum prioris et conventus Coventr paterno faventes affectu dilectorum etiam in Domino filiorum decani et capituli Lychesfeld unanimi interveniente consensu ecclesiam sancti Michaelis Coventr cum capellis et pertinentiis suis ecclesiam sancte Trinitatis cum capellis et pertinentiis suis capellam sancti Iohannis cum hospitali et pertinentiis suis ecclesiam de Cornleg cum pertinentiis suis ecclesiam de Herdewyk cum capellis et pertinentiis suis nemus de Pacwode cum ecclesia et edificiis inibi constructis ecclesiam de Alespath cum suis pertinentiis salva vicaria in ecclesia sancti Michaelis predicti auctoritate nostra taxata salvis etiam vicariis aliarum ecclesiarum dictis priori et conventui per quoscunque appropriatarum Item locum super Donnesmor qui vocatur Le Stude cum suis adiacentiis et capella ibidem constructa ius presentandi ad duas prebendas Lychesfeld ecclesie in ecclesia de Olefthon consistentes sepulturam de Alesleg cum suis adiacentiis et pertinentiis decimas duodecim virgatarum terre in villa de Frankethon decimas duodecim virgatarum terre in Napthon de feodo dictorum prioris et conventus omnes decimas de Dominiis maneriorum suorum scilicet de Covintr cum omnibus suis pertinentiis de Merston et Herdewyk Suham Olefthon Offechirche Frankethon Pacwode Wylenhal Sowe Cundelme Harenhal Beches de nova terra de assartis omnia etiam bona prelibata [] universa tam ecclesiastica quam secularia temporalia et spiritualia cum omnibus ad eadem pertinentibus que inpresentiarum rationabiliter habent seu futuris temporibus domino concedente iustis modis poterunt adipisci eis suisque successoribus inperpetuum auctoritate pontificali concedimus obtinenda ac per eos ecclesie Covintr prenominate cum omnibus libertatibus et liberis consuetudinibus perpetuo libera integra illibataque remanere In cuius rei testimonium et munimen presenti scripto sigillum nostrum fecimus apponi decanusque et capitulum Lychesfeld ad robur et evidentiam premissorum idem signi sui munimine roborarunt Datum apud Heywode anno gratie millesimo ducentesimo quinquagesimo quinto pontificatus nostri anno undecimo