Charter Document - 05180204

Universis Cristi fidelibus ad quos presens scriptum pervenerit Rogerus miseratione divina Coventrensis et Lichefeldensis episcopus salutem in Domino sempiternam Honesta religiosorum vota pio sunt favore prosequenda eorumque desideria iuri et rationi consona effectui gloriosa mancipanda Nos igitur attendentes dilectorum in Cristo filiorum prioris et conventus de Marseya honestam conversationem et in hospitalitate sectanda ferventem devotionem paternaque solicitudine in matrice ecclesia nostra Lichefeldensis cultum divinum augmentare cupientes ac cum iidem prior et conventus de Marseya ordinis de Semplingham ad quos ius patronatus ecclesie de Bowelton nostre dioecesis spectare dinoscitur expresso consensu magistri dicti ordinis interveniente ipsam ecclesiam cum pertinentiis ordinationi nostre supposuisset nos deum habentes pre oculis habitoque tractatu cum canonicis nostris Lichefeldensis ecclesie deliberato consilio de eadem ecclesia ita duximus ordinandum videlicet quod dicta ecclesia inperpetuum sit prebenda Lichefeldensis ecclesie archidiaconatu Cestrensis annexa et quod archidiaconus Cestrensis qui pro tempore fuerit cedente vel decedente eiusdem ecclesie rectore habeat et teneat eandem ecclesiam cum suis pertinentiis omnibus nomine prebende memorate ecclesie Lichefeldensis ex nostra et successorum nostrorum collatione cum archidiaconatu Cestrensis in forma subscripta scilicet quod idem archidiaconus et quilibet eius successor ipsius ecclesie Lichefeldensis canonicus solvat annuatim supradictis priori et conventui de Marseya et eorum successoribus nomine simplicis beneficii de bonis eiusdem ecclesie quindecim marcas argenti apud abbatiam de Roucestr in festo nativitatis sancti Iohannis baptiste et predicte ecclesie Lichefeldensis apud Lichefeldensis centum solidos singulis annis in augmentum cotidiane distributionis vicariorum in eadem ecclesia ministrantium in festo annuntiationis Dominice salva vicaria eiusdem ecclesie per nos vel successores nostros taxanda ad valentiam quindecim marcarum annuarum que assignari debent in certis portionibus alteragii ipsius ecclesie quatenus sufficiunt et in aliis supleri si fuerit necesse cum manso competenti qui quidem vicarius presbiter ydoneus ad huiusmodi vicariam per memoratos priorem et conventum ac eorum successores nobis et successoribus nostris presentabitur successive per nos et successores nostros admittendus et instituendus et idem ministrabit in eadem ecclesia in propria persona cum uno capellano et aliis ministris necessariis et habebit curam animarum totius parochie de Bowelton ac solvet sinodalia set ad procurationem archidiaconi non tenebitur ad onera autem extraordinaria contribuent memorati archidiaconus prior et conventus et idem vicarius pro rata portionum suarum Ordinamus etiam statuentes quod quilibet archidiaconus in sua admissione corporale prestet sacramentum se antedictas portiones memoratis priori et conventui ac ecclesie Lichefeldensis locis et terminis supradictis suo perpetuo fideliter soluturum salvis in omnibus nobis et successoribus nostris in memorata ecclesia de Bowelton iure parochiali et pontificali et auctoritate ecclesiarum nostrarum In cuius rei testimonium huic scripto sigillum nostrum apponi fecimus Hiis testibus dominis Thome precentore Lichefeldensis Radulpho thesaurario Lichefeldensis magistris Henrico de Wyshawe Thome Comyn canonicis Lichefeldensis domino Rogero de Thurton canonico Lichefeldensis domino Willelmo de Burghton clerico et aliis Valete Datum apud Heywode ii kalendas Aprilis anno Domini millesimo CCL tertio