Charter Document - 05180197
| Charter Number: | 05180197 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Consent |
| Date: | 1245 - 1253 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum peruenerit Robertus de Esseburn miles salutem in domimo Cum vir venerabilis dominus H[ugo] Linc ecclesie decanus de consensu venerabilis in Christo patris R[ogerus] dei gracia Couentrensis et Lichefeldensis episcopi necnon Johannis vicarii ecclesie de Esseburn mihi et libere familie mee cantariam in oratorio meo de Holende toto tempore vite mee gratanter concesserit Ego corporale prestiti iuramentum me per hoc presens scriptum obligandum quod capellanus qui pro tempore ibidem ministrabit antequam diuina incipiat celebrare dicto vicario fidelitatis corporale prestabit sacramentum quod quamdiu ibidem in meo stabit obsequio eiusdem vicarii et mandata canonica quatenus ad dictum oratorium pertinet pacienter sustinebit et deuote obseruabit et eciam quod oblaciones quoquo modo ad dictum oratorium meum peruenerint vicario prefate ecclesie de Esseburn sine omni retencione et dilacione plene persoluet et quod neminem ad ecclesiastica sacramenta admittet sine dicti vicarii licencia speciali Si uero aliquis capellanus meus aliquas oblaciones uel obuentiones a dicto oratorio asportauerit ego firmiter promitto sub debito prestiti iuramenti me tantum dem de bonis meis propriis ecclesie de Esseburn fore soluturum eandem ecclesiam in omnibus et per omnia conseruando indemnem Ego uero cum libera familia mea bis in anno videlicet in festo dedi ecclesie de Esseburn et in festo sancti Oswaldi dictam ecclesiam parochialem ad audiendum diuina visitabo cessante tunc in oratorio memorato cantaria Nolo atque quod per istam concessionem mihi factam heredes mei vel aliquis mihi aliquo modo succedens aliquid iuris in dicta cantaria sibi possint vendicare Valete per in domino