Charter Document - 05180194

Ita convenit inter dominum Hugonem Coventr et Lich episcopum ex una parte et Ricardum de Wibbenbur quondam vicecomitem Cestr ex altera die iovis in ebdomoda Pasche Lich anno consecrationis dicti episcopi primo quod dictus Ricardus quieta clamavit dicto episcopo omnes terras redditus et servitia cum omnibus pertinentiis que habet in Wibbenbur et super hoc ei cartam suam conficiet competentem nec ab eo plus exiget vel recipiet quam pro dictis terris redditibus et servitiis cum pertinentiis dedit Roberto de Praers et aliis pro eisdem et possessionem omnium predictorum plene tradet eidem episcopo vel balivo suo de quo ei de rationabili custo suo satisfaciet vel sufficientem securitatem inveniet Et si placuerit domino episcopo dare quadraginta marcas pro quinque bovatis terre del Ho cum pertinentiis que idem Ricardus habet ibidem ad terminum quadraginta annorum cartam suam de quieta clamantia super hoc faciet eidem episcopo Et omnes cartas quas habet de omnibus dictis terris redditibus et servitiis cum pertinentiis et etiam cirographos resignabit in manum dicti episcopi vel sui senescalli die Dominica proxima ante festum sancti Marci evangeliste apud Wibbenbur vel ubicumque dictus episcopus eo die fuerit in episcopatu suo et nichilominus omnem securitatem rationabilem que super premissis ex parte domini episcopi poterit provideri ipse pro se et suis heredibus faciet eidem Iuravit etiam tactis sacrosanctis evangelis sub pena quadraginta marcarum quod istam conventionem fideliter observabit in forma predicta Et in huius conventionis testimonium dominus episcopus et ipse Ricardus presens scriptum in modum cyrographi factum signis suis alternatim munierunt Hiis testibus Willelmo decano Lich Thoma precentore Lich Alexandro thesaurario sancti Pauli London Ricardo de Langedon Roberto de Sardel et aliis