Charter Document - 05180192
| Charter Number: | 05180192 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1240 - 1241 |
| Date type: | Assigned |
| Resource Link(s): |
|
Charter:
Omnibus ad quos [] Hugo miseratione divina Convent episcopus salutem in vero salutari Licet Deo gratum sit et acceptum et honori congruat prelatorum ecclesiastica beneficia clericis honestis et litteratis scinceris manibus assignare fortius tamen divine maiestati credimus complacere si monasteriis aut collegiis que quadam prerogativa caritatis prefulgent aliqua conferantur que usibus eorum in hospitium profutura et honestatis robur nutriant et redimant pauperatatem Eapropter dilectorum filiorum nostrorum prioris et canonicorum de Thurg sancta conversatione provocati et solite eorum honestatis intuitu inclinati ecclesiam de Elmeton cum omnibus ad eam pertinentibus que ad eos iure advocationis ex dono Radulphi de Ayncurt domini fundi noscitur pertinere eisdem concessimus in usus proprios retinendam pro duabus partibus frugum et minutarum decimarium et pro duabus partibus oblationum in argento reservata tertia parte omnium decimarum et tertia parte oblationum in argento et omnibus oblationibus per totum annum penitus reservatis vicario qui per manum eorum nobis et successoribus nostris inperpetuum presentabitur Terre quoque et nemoris et pratorum ad ecclesiam pertinentium iidem canonici duas partes habebunt et vicarius tertiam ita quidem quod mansuram ecclesie proximam presbiter inhabitabit ut qui ecclesie deservire tenetur non longe ab ecclesia habitare cogatur Quia vero singulariter percipiet vicarius oblationes confessionum et panem preter tertiam partem omnium decimarum sicut supradictum est ipse omnia onera debita ecclesie sustinebit Ut autem hec concessio nostra futuris temporibus rata et inconcussa permaneat []