Charter Document - 05180191
| Charter Number: | 05180191 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1240 |
| Date type: | Internal, Calendar, Episcopal, Feast |
| Resource Link(s): |
Reference Document for this Embedded Document |
Charter:
Universis Cristi fidelibus ad quos presens scriptum pervenerit Hugo miseratione divina Coventrensis et Lichefeldensis episcopus salutem in Domino sempiternam Noverit universitas vestra quod cum dilecti in Cristo filii abbas et conventus Salopesbury attendentes quod facultates sacristie Lichefeldensis minime sufficient ad eiusdem onera sustinenda concesserint eidem decem marcas annuas de bonis ecclesie de Biriton cuius ad ipsos patronatus noscitur pertinere solvendas sacristie Lichefeldensis apud Lichefeld a rectore dicte ecclesie de Biriton qui pro tempore fuerit ita quod medietatem pecunie solvat in festo sancti Michaelis et aliam medietatem in Pascha resurrectionis Domini nos dictam concessionem seu donationem ratam et gratam habentes eam episcopali auctoritate duximus confirmandam statuentes ut nec thesaurarius Lichefeldensis qui pro tempore fuerit nec sacrista nec etiam capitulum Lichefeldensis in alios usus quam ad onera sepe dicta sacristie sustinenda possit peccuniam convertere memoratam Statuimus etiam quod rector ecclesie supradicte de Biriton in institutione sua sub iuramento sollempni promittat se dictam peccuniam dictis terminis fideliter solviturum In premissorum autem omnium testimonium et munimen presentem paginam sigilli nostri munimine fecimus roborari Datum Lichefeld sexto kalendas Octobris pontificatus nostri anno primo