Charter Document - 05180190

Omnibus Cristi fidelibus ad quos presens scriptum pervenerit Hugo Dei gratia Coventren et Lichefeld episcopus salutem in Domino Cum inter caritatis opera sacra sanctorum limina visitare in conspectu altissimi procul dubio sit acceptum nos de Dei gratia et misericordia gloriose virginis genitricis eius et beati Pauli necnon et omnium sanctorum meritis confidentes omnibus parochianis nostris et aliis quorum diocesani id ratum habuerint vere contritis et confessis qui ecclesiam cathedralem sancti Pauli London anniversario dedicationis ipsius die vel aliquo die octavorum orationis causa pio devotionis affectu visitaverint vel ad eiusdem ecclesie fabricam aliquid de bonis a Deo sibi collatis contulerint triginta dies de iniuncta sibi penitentia misericorditer relaxamus concedentes hanc nostre relaxationis gratiam perpetuo duraturam Dat London quinto idus Novembris anno Domini MCC quadragesimo primo