Charter Document - 05180187
| Charter Number: | 05180187 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1241 |
| Date type: | Internal, A.D., Calendar |
| Resource Link(s): |
|
Charter:
Noverint universi quod cum venerabilis in Cristo pater H Dei gratia Coventr et Liche episcopus de assensu capituli Lichesf potestatem suam ordinandi de ecclesia de Esseburn cum capellis et earum pertinentiis discretis viris Dominis W decano Lichef et W precentori Linc ecclesie commiserit ut ipsi vice sua decani et capituli Linc ecclesie concurrente consensu ordinent et statuant de premissis prout secundum dominum viderint expedire ipsi auctoritate pontificali suffulti et predictorum capitulorum consensu muniti invocata spiritus sancti gratia in premisso negotio ordinando in hunc modum salubriter procedendo statuerunt videlicet quod dominus decanus Linc qui pro tempore fuerit quinquaginta marcas ad duos terminos videlicet viginti quinque marcas infra octabas Pentecoste et viginti quinque marcas infra octabas sancti Martini de ecclesia de Esseburn apud Esseburn per manum vicarii de Esseburn nomine pensionis percipiet annuatim Decanus etiam Linc qui pro tempore fuerit et eius successores ad sex capellas videlicet de Kniveton de Mapelton de Torp de Benetley de Bradeley de Edolveston loci dioecesano cum eas vacare contigerit personas idoneas presentabunt tanquam earum patroni salvis pensionibus dictarum capellarum quas decanus Linc consuevit percipere de eisdem Decani etiam Linc qui pro tempore fuerint personas idoneas ad vicariam ecclesie de Esseburn cum eam vacare contigerit domino Coventrens et Lichefeld episcopo presentabunt ita quidem quod vicarius presentatus et admissus et eius successores presentati et admissi proventus et obventiones omnes ecclesie de Esseburne et capellarum de Peverwich de Hokenaston et de Aleshop tam in decimis maioribus et minoribus quam in oblationibus quibuscunque tam in terris et tenementis quam in firmis terrarum et homagiis tam in exitibus quam eschaetis et omnibus aliis commoditatibus inperpetuum percipient nomine vicarie salvis quinquaginta marcis quas institutus vicarius et eius successores instituti et admissi sub iuramenti astrictione decanis Linc qui pro tempore fuerint in institutione sua facienda persolvent terminis statutis Vicarius vero de Esseburn et eius successores omnia onera ecclesie de Esseburn et trium capellarum supradictarum inperpetuum tam in spiritualibus quam in temporalibus sustinebunt in ecclesia de Esseburn per se ipsum personaliter cum duobus capellanis et uno diacono et uno subdiacono honorifice deserviendo et honeste et in tribus capellis videlicet Peverwich Hokenastun et Aleshop per capellanos ydoneos tam in hospitalitate sectanda apud Esseburn quam in divinis officiis in dicta matrici ecclesia et eius tribus iam dictis capellis salubriter sustinendis Et ut hec eorum ordinatio auctoritate maiori suffulta futuris temporibus maneat inconcussa presentem paginam sigillorum venerabilis patris domini H Coventrens et Lichesfeld episcopi necnon et decani Linc et etiam capitulorum Linc et Lichesf ecclesiarum suorumque appositione signorum roborari fecerunt Act quinto idus Ianuarii in maiori ecclesia Lichesf anno gratie millesimo ducentesimo quadragesimo