Charter Document - 05180182
| Charter Number: | 05180182 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Dispute |
| Date: | 1241 |
| Date type: | Assigned |
| Resource Link(s): |
|
Charter:
Universis sancte matris ecclesie filiis ad quos presens scriptum pervenerit Hugo miseratione divina Coventr et Lich ecclesiarum minister humilis salutem in Domino sempiternam Cum contentio mota fuisset super ecclesia sancti Michaelis Coventr inter nos ex una parte et dilectos in Cristo filios priorem et conventum Coventr ex altera et tandem iidem prior et conventus pure et absolute in omnibus se super eadem ecclesia et pertinentibus ad eam gratie et ordinationi nostre subiecissent omnibus inpetratis et inpetrandis ipsam ecclesiam contingentibus renuntiantes nos communicato virorum prudentium consilio super hoc taliter ordinavimus concedentes in primis de prenominata ecclesia ecclesie gloriose virginis Marie Coventr et monachis predictis in eadem Deo servientibus triginta marcas annuas perpetuo per manus vicarii qui pro tempore ibi fuerit percipiendas duobus terminis medietatem scilicet ad festum sancti Michaelis et aliam medietatem ad Pascham ita tamen quod de eisdem triginta marcis solvant viginti marcas annuatim Ranulpho de Meineware clerico quoad vixerit in habitu et in ordine clericali eo autem decedente aut habitum et ordinem clericalem relinquente eedem viginti marce libere cedant in usus ecclesie beate Marie predicte ut pretactum est Statum etiam ecclesie Lich considerantes et obsequium Deo in eadem devote exhibitum congnoscentes ordinando concessimus commune eiusdem ecclesie Lich de predicta ecclesia sancti Michaelis triginta marcas annuas per manus vicarii predicti terminis prenotatis percipiendas ita tamen quod de eisdem triginta marcis in forma memorata solvant canonici Lich prenominato Ranulpho viginti marcas que tamen in eadem forma usibus commune applicentur Ordinamus etiam et providimus quod nos et successores nostri in eadem ecclesia sancti Michaelis perpetuo ydoneos ponamus et instituamus vicarios successive qui curam gerant animarum parochie illius ecclesie et duabus ecclesiis memoratis de sexaginta marcis prescriptis in forma prefata respondeant et singuli in ipsorum admissione hoc bona fide facere sacramento solempniter prestito repromittant et etiam omnia onera eiusdem ecclesie sustineant percipientes plenarie omnes proventus ipsius ecclesie sancti Michaelis et capellarum ad eandem pertinentium Ut autem hec nostra ordinatio perpetue firmitatis robur optineat eam presentis scripti patrocinio et sigilli nostri testimonio duximus roborandam Hiis testibus Thoma precentore Lich Adam archidiacono Coventr magistro Petro de Radenover Willelmo de Herlinge Dominico capellano Simone de Esseby Roberto de Meauton clerico et aliis