Charter Document - 05180177
| Charter Number: | 05180177 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1232 |
| Date type: | Internal, A.D., Calendar |
| Resource Link(s): |
|
Charter:
Universis sancte matris ecclesie filiis ad quos presentes littere pervenerint Alexander miseratione divina Covent et Lich ecclesiarum minister humilis eternam in Domino salutem Commendabilis dilectorum in Cristo filiorum prioris et canonicorum de Wombrug vite conversatio necnon et eorum paupertas nos invitant ut cum possimus eorum insufficientie subveniamus Eapropter ecclesiam de Lopinton cum pertinentiis quam quidem nostris temporibus contigit vacare que unquam de patronatu eorundem canonicorum fuisse dinoscitur ad egestates eorum relevandas eisdem in usus proprios perpetuo possidendam auctoritate pontificali duximus confirmandam salvis nobis et successoribus nostris iure pontificali et parochiali salva etiam Covent et Lich ecclesiarum auctoritate salva insuper moderata et competenti sustentatione pro facultatibus eiusdem ecclesie vicario qui in eadem ecclesia pro tempore ministrabit Ut autem hec nostra confirmatio futuris temporibus robur optineat firmitatis nos eam sigilli nostri appositione et presentis pagine patrocinio communimus Dat apud Stanleg iii nonas Iulii anno gratie MCCXXXII