Charter Document - 05180167
| Charter Number: | 05180167 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Will |
| Date: | 1238 |
| Date type: | Assigned |
| Resource Link(s): |
|
Charter:
Venerande recordationis episcopus Alexander in sui memoriam sempiternam in testamento suo reliquit tresdecim carucatas boum aratilium episcopatui in usus successorum suorum istius ecclesie Lych episcoporum futuris temporibus perpetuo assignandas vel pretium tot boum in usus successorum suorum omnium convertendum quorum quidem boum pretium ad sexaginta marcas propter licitationem ambiguam et fortuitam estimatur Et est consuetudo approbata pariter et obtenta ut decedentibus istius ecclesie Lych episcopis dominus rex vacationis tempore tot boves vel eorum pretium supradictum ab executoribus episcopi defuncti recipiat et illos vel illud episcopo succedenti restituat Et si quis voluntati tam pie ac testamentarie presumpserit contraire sententiam excomunicationis ex tunc se noverit incursurum personis tamen domini regis et regine ac eorum liberis dumtaxat exceptis