Charter Document - 05180153

Omnibus ad quos presens carta pervenerit Alexander Dei gratia Conventr et Lich episcopus salutem in Domino Ad hoc Deus in sua nos ecclesia collocavit ut indigentibus presidentes pia subventione iuxta nostri debitum officii misericorditer subveniremus Ea propter insufficientie dilectorum in Cristo filiorum abbatis et monachorum Salop more pii patris compatientes qui se reddunt quibuslibet petentibus hospitales intuitu Dei necnon ad relevandas eiusdem domus penurias et egestates medietatem omnium garbarum ecclesie de Welintone sub monte Gileberti necnon et capellarum eidem adiacentium ecclesie villularumque omnium propriis usibus perpetuo possidendam deputamus et auctoritate pontificali confirmamus salvis sibi semper et domui de Salop in omnibus decimis omnibus a nostris predecessoribus sibi et domui sue confirmatis quas iidem ab antiquo consueverunt in eadem percipere parochia salvis etiam minutis decimis et proventibus alte lagei terra etiam arabili reditibus tenentium terras de ecclesia decimis molendinorum pensionibus capellarum omnibus usibus perpetuorum vicariorum qui in predicta pro tempore ministrabunt ecclesia assignatis Nobis siquidem et successoribus nostris ab eisdem monachis perpetui presentabuntur vicarii qui si fuerint ydonei reperti recepta a nobis totius parochie animarum cura et in eadem canonice instituti onera sustinebunt archidiaconalia Quod ut nostra concessio et confirmatio rata sit et firma hanc cartam nostram sigilli nostri munimine roboravimus Hiis testibus magistro R de Langedon officiali nostro Alexandro archidiacono Salop magistro Radulfo de Lacok magistro Alexandro Blundo magistro Symone Pardris Philippo canonico de Kenilwrde et Petro capellano nostro Dat per manum Philippi capellani nostri kalendas Iulii pontificatus nostri anno nono