Charter Document - 05180148
| Charter Number: | 05180148 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Grant, Confirmation |
| Date: | 1229 |
| Date type: | Internal, A.D. |
| Resource Link(s): |
|
Charter:
Universis sancte matris ecclesie filiis ad quos presentes littere pervenerint Alexander miseratione divina Coventr et Lich episcopus eternam in Domino salutem Inmoderate paupertati abbatis et canonicorum Roucestr vite sanctitate morum gravitate et honeste religionis venustate laudabiliter commendate qui summam omnium religiosorum nostre diocesis in temporalibus patiuntur indigentiam intime compatientes eisdem assensu capituli conventualis Coventr concessimus et presenti scripto nostro confirmavimus ecclesiam sancti Michaelis in Roucestr cum capellis suis in Waterfal et Bredeley et cum omnibus et omnimodis suis pertinentiis sicut alicui ecclesie melius competere poterint in Roucestr Conbrug Northul Wotton Denston Rossinton Quicksul Waterfal Calton in proprios usus in perpetuum possidendam quietam etiam pro nobis et nostris omnibus ab omni consuetudine episcopali salvis tribus solidis de tributo sancti Petri ita quod in dicta ecclesia et suis capellis capellanis et parochianis nichil aliud nobis reservavimus sed omnes apparentie qualescumque et excessus capellanorum et parochianorum in parochia antedicta et cognitiones omnium causarum que sine episcopo possunt ventilari coram dictis religiosis in capitulo suo Roucestr ventilentur corrigantur et terminentur Preterea concessimus dictis religiosis quod liceat eis per unum ex confratribus suis parochianis divina celebrare et parochiam regere fratre pretaxato prius episcopo vel vices eius gerentibus presentato ita quod dictus abbas dictum fratrem pro libito sue voluntatis amoveat vel alium loco suo substituat secundum formam prenotatam Ut autem hec nostra concessio et confirmatio inperpetuum perseveret presentem paginam sigilli nostri inpressione roboravimus Huius concessionis et confirmationis perturbatores anathematis vinculo nisi resipiscant innodamus Dat apud Lich vii idus Septembris anno gratie MCCXXIX